პოლიტიკა
ქართულ მედიას ახალი არხი შეემატება

studia„პირველი ინფორმაციული კავკასიური არხი“ - ასე ჰქვია რეორგანიზებულ ახალ არხს, რომელიც 2011 წლის იანვრიდან დაიწყებს მაუწყებლობას. ახალი არხი ტელეკომპანია ''მზის'' ოფისში განთავსდა, თუმცა საქინფორმის ჟურნალისტთნ საუბრისას არხის საინფორმაციო სამსახურის ხელმძღვანელმა ეკატერინე კოტრიკაძემ აღნიშნა: „ არხი ''მზის'' ოფისში გადავიდა, მაგარამ მისი სიხშირით არ ისარგებლებს, ჩვენ ეთერში სატელიტით გავალთ, ამჟამად ტექნიკურ დეტალებს ვაზუსტებთ, მაგრამ უკვე გადაწყვეტილია, რომ მაუწყებლობა იანვარში დაიწყება და აბრავიატურა PIK იქნება“.

საზოგადოებრივმა მაუწყებელმა 2010 წლის ზაფხულში რუსულენოვანი „ პირველი კავკასიური არხი“ მმართველობაში კომპანია „ქეი1“-ს გადასცა, რომელმაც მთავრობის ფონდიდან არხის მუშაობის უზრუნველსაყოფად 4,7 მილიონი ლარი მიიღო, ხოლო 2010 წლის ივნისის განკარგულებით, მთავრობამ საზოგადოებრივ მაუწყებელს 7 მილიონი გამოუყო „პირველი კავკასიურისთვის“.

„ქეი1“-ის დამფუძნებელმა რობერტ პარსონსმა არხის გადაცემის დროს განაცხადა: „ეს უნდა იყოს ობიექტური არხი და საქართველოს მთავრობაც ისევე დაექვემდებარება სამართლიან კრიტიკას, როგორც რომელიმე სხვა მთავრობა ამ რეგიონში“.

საქინფორმისთვის ცნობილი გახდა, რომ არხის კერძო მმართველობაში გადაცემის გადაწყვეტილება საზოგადოებრივი მაუწყებლის სამეურვეო საბჭომ მიიღო, რომლის სამმა წევრმაც თავი შეიკავა პასუხისგან და საბჭოსაც მოუწოდებდა, რომ ნაადრევი გადაწყვეტილება არ მიეღოთ.