საზოგადოება
„რეზო ამაშუკელმა დაურეკა მინისტრს და გამოხატა თავისი უარყოფითი დამოკიდებულება, პატრიარქმა დაიბარა და უთხრა - ეს რა არისო!“ - ლევან ვასაძე აღშფოთებულია, რომ 3-4 კლასელ ბავშვებს სექსუალური უმცირესობის წარმომადგენლის განსახიერებას ავალდებულებენ
საქართველო, 15 სექტემბერი, საქინფორმი. ცნობილი ბიზნესმენი ლევან ვასაძე ეროვნულ სასწავლო გეგმას აკრიტიკებს. ლევან ვასაძის განცხადებით, დებულება ზოგადი განათლების ეროვნული მიზნების შესახებ, სრულად ეწინააღმდეგება ეროვნულ ღირებულებებს.
გადაცემა "ჰოთ ინტერვიუში" იაკობ გოგებაშვილის სახელობის სასწავლებლის დამფუძნებელმა და დემოგრაფიული განვითარების ფონდის სამეთვალყურეო საბჭოს თავმჯდომარემ განაცხადა, რომ განათლების სამინისტროში უცხოური არასამთავრობო ორგანიზაციები მართავენ პროცესს. დებულების მიხედვით, რომელიც ეროვნული სასწავლო გეგმის საფუძველი უნდა გახდეს, მე-3-4 კლასელ ბავშვებს ავალებენ ითამაშონ როლური თამაშები, რაც ვასაძის განცხადებით, ნიშნავს იმას, რომ არასრულწლოვნებს მოუწევთ ყველა სახის უმცირესობის წარმომადგენლის განსახიერება. მისივე თქმით, აღნიშნულ დებულებისადმი უარყოფითი დამოკიდებულება აქვს საპატრიარქოსაც. დებულების გამოქვეყნების შემდეგ, განათლების მინისტრი საქართველოს პატრიარქმაც დაიბარა.
