სამართალი
გიორგი მღებრიშვილი ყოველწლიური ამბასადორიალის გახსნის ცერემონიას დაესწრო
საქართველო, 3 სექტემბერი, საქინფორმი. შს მინისტრი გიორგი მღებრიშვილი, პრემიერ-მინისტრ ირაკლი ღარიბაშვილთან და მთავრობის სხვა წევრებთან ერთად, საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიური ამბასადორიალის გახსნის ცერემონიას დაესწრო.
ღონისძიების გახსნისას მონაწილეებს სიტყვით მიმართეს პრემიერ-მინისტრმა ირაკლი ღარიბაშვილმა და საგარეო საქმეთა მინისტრმა გიორგი კვირიკაშვილმა.ამბასადორიალის გახსნის ცერემონიას საქართველოს აღმასრულებელი და საკანონმდებლო ხელისუფლების წარმომადგენლები, ასევე, საქართველოში აკრედიტებული დიპლომატიური მისიების ხელმძღვანელები დაესწრნენ.
წელს ამბასადორიალზე ქვეყნის საგარეო და საშინაო პოლიტიკის უმნიშვნელოვანეს საკითხებსა და ქვეყნის წინაშე მდგარ გამოწვევებზე იმსჯელებენ.
