საქართველო, 2 სექტემბერი, საქინფორმი. გრძელდება საქართველოს გაერთიანებული დელეგაციის ვიზიტი პოლონეთში, ქ. სოპოტში, მსოფლიო ვეტერანთა ფედერაციის (WVF – FMAC) 28-ე გენერალურ ასამბლეაზე, შემდეგი შემადგენლობით: სსიპ ვეტერანების საქმეთა სახელმწიფო სამსახურის დირექტორი ირაკლი შიხიაშვილი, ვეტერანთა არასამთავრობო ორგანიზაციების გაერთიანების ხელმძღვანელი, მსოფლიო ვეტერანთა ფედერაციის ევროპის ქვეყნების მუდმივმოქმედი კომიტეტის კავკასიის ვეტერანთა საქმეების სამუშაო ჯგუფის (კავკასიის ვეტერანთა ცენტრი) ხელმძღვანელი გია თორაძე, ასევე წევრ არასამთავრობო ორგანიზაციების წარმომადგენლები.

გუშინ კიდევ ერთი ორგანიზაცია საქართველოდან - „ავღანეთის ომის ვეტერანთა საქართველოს კავშირი“ გახდა მსოფლიო ვეტერანთა ფედერაციის სრულუფლებიანი წევრი. საქართველოს დელეგაციამ მიიღო მონაწილეობა 28-ე გენერალური ასამბლეის გახსნის ღონისძიებებში. ასამბლეის ფარგლებში შედგა შეხვედრები სხვადასხვა ქვეყნების დელეგაციების ხელმძღვანელებთან, მათ შორის ისრაელის ვეტერანთა ასოციაცია „TZEVET”-ის წარმომადგენლობასთან.