საქართველო, 4 აგვისტო, საქინფორმი. სააგენტო ”რია ნოვოსტის" ცნობით, პრემიერ-მინისტრის სპეციალური წარმომადგენელმა რუსეთთან ურთიერთობების საკითხებში ზურაბ აბაშიძემ The Wall Street Journal-ის ჟურნალისტს განუცხადა, რომ საქართველოს ხელისუფლებას რუსეთთან ურთიერთობის დალაგების იმედი აქვს, ქვეყნის ნატო-ში გაწევრიანება კი უახლოეს მომავალში არ განიხილება.

„ბოლო დროს ინტერვიუ ამ თემაზე არავისთვის არ მიმიცია. ეს კომენტარი რაც მოყვანილია სტატიაში, შეიძლება იყო იმის გამოძახილი, რაც 6 თვის წინ დებატების დროს იყო ჩემი განცხადების შემდეგ. განცხადებაში მე ვამბობდი, რომ შეიძლება ნატოში საქართველოს გაწევრიანება დღევანდელი და ხვალინდელი დღე არ იყოს“, - აცხადებს, თავის მხრივ, ზურაბ აბაშიძე.