სამართალი
შსს-მ ბუპრენორფინის შემცველი 52 აბი ამოიღო
საქართველო, 29 ივლისი, საქინფორმი. შსს-ს აჭარის მთავარი სამმართველოს თანამშრომლებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და საქართველოში უკანონოდ შემოტანის ბრალდებით ჯემალ მ. - ბათუმში, ხოლო დავით ზ. სარფის საბაჟო გამშვები პუნქტის მიმდებარე ტერიტორიაზე დააკავეს.
სამართალდამცველებმა ჯემალ მ-ს მართვის ქვეშ მყოფი ავტომობილის ჩხრეკისას 49 აბი ნარკოტიკული საშუალება „სუბოქსინი“, რომელიც ექსპერტიზის დასკვნით 0,392 გრ ბუპრენორფინს შეიცავს, დავით ზ-ს პირადი ჩხრეკისას კი 3 აბი „სუბოქსინი“ ამოიღეს, რომელიც ექსპერტიზის დასკვნით 0,008 გრ ბუპრენორფინს შეიცავს.
დაკავებულები აღიარებენ ჩადენილ დანაშაულს.
