საზოგადოება
ევროკავშირის განცხადება: “ახალი სადემარკაციო ნიშნების აღმართვამ სამხრეთ ოსეთის ადმინისტრაციული საზღვრის გასწვრივ დაძაბულობა გამოიწვია”
საქართველო, 17 ივლისი, საქინფორმი. ახალი სადემარკაციო ნიშნების აღმართვამ საქართველოს რეგიონის - სამხრეთ ოსეთის ადმინისტრაციული საზღვრის გასწვრივ დაძაბულობა გამოიწვია, რამაც შესაძლოა პოტენციურად უარყოფითი გავლენა იქონიოს ადგილობრივ მოსახლეობაზე, მათ ცხოვრების პირობებსა და თავისუფალ გადაადგილებაზე.
ევროკავშირი და სადამკვირვებლო მისია (EUMM) ყურადღებით ადევნებს თვალს მიმდინარე მოვლენებს. მხარეებს მოვუწოდებთ გამოიჩინონ თავშეკავება და დაძაბულობის განსამუხტად გამოიყენონ არსებული მექანიზმები, კერძოდ, ჟენევის მოლაპარაკებათა ფორმატი და ინციდენტების პრევენციისა და რეაგირების მექანიზმი.
ევროკავშირი კვლავ ადასტურებს მხარდაჭერას საქართველოს სუვერენიტეტისა და საერთაშორისოდ აღიარებულ საზღვრებში ტერიტორიული მთლიანობის მიმართ.
