საქართველო, 8 ივლისი, საქინფორმი. თბილისში გამოთვლითი მათემატიკის ინსტიტუტის ყოფილი შენობის ნაწილი დემონტაჟის დროს ჩამოინგრა, რის შედეგადაც 3 ადამიანი დაიღუპა 1 კი საავადმყოფოშია გადაყვანილი.

აღნიშნული უძრავი ქონება „ტიფლის ბიზნეს ცენტრს“ ჯერ კიდევ 2012 წელს გადაეცა, სადაც კომპანიას მრავალსართულიანი სასტუმრო უნდა აეშენებინა.

„ძალიან ტრაგიკულია რაც მოხდა. მინდა მივუსამძიმრო დაღუპულების ოჯახებს. ვინც იქნება დამნაშავე კანონის სრული სიმკაცრით დაისჯება“, - აღნიშნა ქალაქის ვიცე-მერმა დიმიტრი ქუმსიშვილმა.

გამოთვლითი მათემატიკის ინსტიტუტის ყოფილი თანამშრომლები გარკვეული პერიოდის წინ აცხადებდენენ, რომ „ტიფლის ბიზნეს ცენტრსა" და თბილისის მერიას შორის უკანონო გარიგება შედგა და კომპანიამ შეფასებულზე ნაკლებ თანხაში შეისყიდა ქონება.