საქართველო, 7 ივლისი, საქინფორმი. ბათუმში, თამარ მეფის გზატკეცილზე, ოთხსართულიანი ბიზნესცენტრი “ბათუმი-ცენტრალის” შენობაში რკინიგზის ახალი სადგური გაიხსნა.

„სადგურის გახსნა ემთხვევა იმ უნიკალურ პროექტს, რომელსაც ხვალ, ბათუმში ვიწყებთ. 6 ივლისს სტარტს აიღებს „ჰით ბათუმი 2015“. ეს კი იმას ნიშნავს, რომ უწყვეტ რეჟიმში, ბათუმის ადგილობრივ და უცხოელ სტუმრებს, ელის ორი დაუვიწყარი თვე. პროექტი „ჰით ბათუმი“ სხვადასხვა ტიპის გასართობ ღონისძიებებს და ფესტივალებს ერთი ქოლგის ქვეშ გააერთიანებს. ასე რომ, მოგიწოდებთ, ჩამოდით ბათუმში და გაატარეთ ეს სეზონი „ჰით ბათუმთან“ ერთად,”-აღნიშნა პრემიერმა.

ბათუმის ახალი რკინიგზის სადგური კიდევ ერთი მნიშვნელოვანი ინფრასტრუქტურული პროექტია, რომელიც საქართველოს მთავრობამ “საქართველოს რკინიგზასთან” ერთად, მოსახლეობის ინტერესებისა და ტურისტული პოტენციალის გაზრდის მიზნით განახორციელა.