საზოგადოება
ირაკლი ღარიბაშვილმა სახელმწიფოებს, ბიზნესმენებსა და ფიზიკურ პირებს სტიქიით დაზარალებულთა დასახმარებლად გაღებული შემოწირულობისთვის მადლობა გადაუხადა
საქართველო, 6 ივლისი, საქინფორმი. თბილისში, სტიქიის შედეგად დაზარალებული მოსახლეობის განსახლების პროცესი მაქსიმალურად მოკლე ვადებში უნდა დასრულდეს -როგორც პრემიერმა ირაკლი ღარიბაშვილმა მთავრობის სხდომაზე აღნიშნა, თბილისის მერი ამისთვის ყველაფერს აკეთებს.
„მინდა, მთავრობის სახელით მადლობა გადავუხადო საუდის არაბეთის პრინცს, ასევე ყველა იმ ქართველ თუ უცხოელ ბიზნესმენს, ბანკებს, ფიზიკურ პირებს, დიასპორის წარმოამდგენლებს, რომლებიც გვერდით დაუდგნენ სახელმწიფოს. ეს არის უპრეცენდენტო კონსოლიდაციის და სოლიდარობის გამოხატულება“, - აღნიშნა პრემიერ-მინისტრმა.
მთავრობის მეთაურმა ასევე ხაზი გაუსვა მეზობელი სახელმწიფოების მხარდაჭერის მნიშვნელობას, რომელთა შორის არიან თურქეთი, აზერბაიჯანი, სომხეთი, რუსეთი, უკრაინა, ასევე, ევროკავშირის წევრი ქვეყნები.
