საზოგადოება
„მხოლოდ ერთიანობით და სიყვარულით არის შესაძლებელი კარგი საქმეების გაკეთება!“ - პრემიერი ღარიბაშვილი
საქართველო, 1 ივლისი, საქინფორმი. საქართველოს პრემიერ-მინისტრმა ირაკლი ღარიბაშვილი თავის Facebook-გვერდზე შემდეგი ჩანაწერი გააკეთა: «მე და ჩემმა მეუღლემ ოჯახი ნულიდან შევქმენით, არაფერი გამაჩნდა, მაგრამ დღეს ყველაზე ძვირფასი რაც გამაჩნია, ეს არის ჩემი ოჯახი და ჩემი სამი ვაჟკაცი, რომლებსაც ჩემს სამშობლოს ვუზრდი.
ეს არის ჩემთვის მთავარი. სხვა დანარჩენი - კარიერაც, თანამდებობაც, ფინანსური მდგომარეობაც, დროებითია. მე ყოველთვის ერთიანობასა და სიყვარულზე ვაფუძნებდი და ვაფუძნებ ჩემს საქმეს. ჩემთვის მიუღებელია პრინციპი - „გათიშე და იბატონე“, ჩემი მთავარი პრინციპია - გააერთიანე და ისე მართე! მხოლოდ ერთიანობით და სიყვარულით არის შესაძლებელი კარგი საქმეების გაკეთება». 
