აქტუალური
შსს-ს საგანგებო სიტუაციების მართვის სააგენტოს მაშველებმა ახმეტის რაიონის სოფელ ომალოში სამაშველო ოპერაცია ჩაატარეს
საქართველო, 25 ივნისი, საქინფორმი. საგანგებო სიტუაციების მართვის სააგენტოს ინციდენტებზე რეაგირების განყოფილებაში შემოვიდა შეტყობინება ახმეტაში, გომეწრის ხეობაში გადავარდნილი ტრაქტორის შესახებ. ინციდენტის შედეგად გარდაიცვალა ერთი პიროვნება, მეორეს - 47 წლის მამაკაცს კი სასწრაფოდ დახმარება ესაჭიროებოდა.
მაშველები, შეტყობინების მიღებისთანავე, სასაზღვრო პოლიციის ვერტმფრენის საშუალებით, შემთხვევის ადგილზე გადაფრინდნენ, დაზარალებული მამაკაცი თბილისში ჩამოიყვანეს და საავადმყოფოში გადაიყვანეს. 
