საქართველო, 25 ივნისი, საქინფორმი. ამის შესახებ პრემიერ–მინისტრმა ირაკლი ღარიბაშვილმა ოლიმპიური ობიექტების დათვალიერების შემდეგ განაცხადა.

მთავრობის მეთაური ოლიმპიურ სოფელს ეწვია, შემდეგ კი „თბილისი 2015“-თვის განკუთვნილი ახალი სპორტული ობიექტები მოინახულა და გარე პერიმეტრზე მიმდინარე სამუშაოებს გაეცნო.

„ველოდებით ოლიმპიადას და ველოდებით ბევრ სტუმარს, თბილისი ივლისის ბოლოს იქნება ძალიან დატვირთული. ოლიმპიადის დასრულებისთანავე, ორ კვირაში ველოდებით უეფა-ს სუპერ თასის ფინალს, რაც ასევე იქნება კარგი შესაძლებლობა, რომ რაც შეიძლება ბევრი ტურისტი და ვიზიტორი ჩამოვიდეს თბილისში“, – აღნიშნა ირაკლი ღარიბაშვილმა.

2015 წლის ზაფხულის რიგით მე13 ახალგაზრდული ოლიმპიური ფესტივალი თბილისში 26 ივლისს გაიხსნება.