შესაძლოა, ევროკავშირის ქვეყნებიდან ქართველთა მასობრივი დეპორტაცია დაიწყოს. დემოგრაფიისა და სოციოლოგიის ინსტიტუტის ინფორმაციით, უახლოეს მომავალში ევროკავშირთან გამარტივებული სავიზო რეჟიმი ამოქმედდება, რის შემდეგაც ქართველი არალეგალების დეპორტაცია დაიწყება: პირველ ეტაპზე დეპორტირებულთა რაოდენობა 100 ათასამდე მიაღწევს, თუმცა მთლიანობაში ეს ციფრი ნახევრ მილიონსაც გაუტოლდება.

გაეროს ოფიციალური მონაცემებით 2008-2009 წლებში საქართველოდან უცხო ქვეყანას თავშესაფარი 16 ათასზე მეტმა მოქალაქემ სთხოვა. საქართველო ამ მონაცემით 10 ისეთ ქვეყანას შორისაა, რომელთა მოქალაქეებიც თავშესაფარს ყველაზე ხშირად ითხოვენ. ამასთან, საქართველო მსოფლიოში 1 ადგილზეა საზღვარგარეთ სამუდამოდ წასვლის მსურველთა ზრდის ტემპით.