დაზარალებულ კლიენტთა საინიციატივო ჯგუფის ინფორმაციით, ისინი ერთი კერძო კომპანიის მიერ მოქალაქეების უფლებების დარღვევის შესახებ პრეზიდენტს, პარლამენტის თავმჯდომარეს, თბილისის მერსა და სახალხო დამცველს წერილობით ჩააყენებენ საქმის კურსში.

საინიციატივო ჯგუფი პრეზიდენტის ადმინისტრაციასთან აქციასაც გეგმავს და არც სასამართლოში ჩივილს გამორიცხავს. მათი განცხადებით, „ცენტრ-პოინტის“ მმართველი „დექსუსი“ ახალ ხელშეკრულებებს უდებთ, რომლის თანახმადაც დამატებითი ღირებულების გადასახადი, ანუ ბინის 18% კლიენტებმა უნდა გადაიხადონ, რაც, მომხმარებლის მტკიცებით, კანონდარღვევაა. მათივე ცნობით, „დექსუსი“ ბინების იპოთეკაში ჩადებას, ასევე, მოქმედი კონტრაქტით გათვალისწინებული თეთრი კარკასის ნაცვლად შავი კარკასის ჩაბარებას სთავაზობთ.