საქართველო, 26 მაისი, საქინფორმი. გუშინ ერგნეთში ინციდენტების პრევენციისა და მათზე რეაგირების სამუშაო ჯგუფის შეხვედრა გაიმართა. პრემიერ-მინისტრის სპეციალური წარმომადგენელი ზურაბ აბაშიძის განცხადებით, მასზე ერთ-ერთ საკითხად ცხინვალის რეჟიმის წარმომადგენლების მიერ გია სოლაშვილის დაკავების საკითხი განიხილება.

„ეს არის იმ ტრაგიკული შედეგის ნაწილი, რომელიც დაგვიტოვა 2008 წლის აგვისტოს ომმა, რუსეთის მიერ აფხაზეთისა და ცხინვალის რეგიონების დამოუკიდებელ სახელმწიფოებად აღიარებამ და იმ ფაქტმა, რომ რუსეთი საოკუპაციო ხაზს მიიჩნევს სახელმწიფო... ჟენევის ფორმატის ფარგლებში არსებობს სპეციალური მექანიზმი და ალბათ, მასზე ეს კონკრეტული საკითხიც იქნება განხილული“, - განაცხადა ზურაბ აბაშიძემ.

მისივე თქმით, აბაშიძე-კარასინის მორიგი შეხვედრა, სავარაუდოდ, გაფართოებული შემადგენლობით შედგება.