პოლიტიკა
პრემიერ-მინისტრი ირაკლი ღარიბაშვილი ავსტრიის რესპუბლიკის პრეზიდენტ ჰაინც ფიშერს შეხვდა
საქართველო, 20 მაისი, საქინფორმი. პრემიერმა ავსტრიის პრეზიდენტს მთავრობის ადმინისტრაციაში უმასპინძლა. შეხვედრის მთავარი თემები საქართველო-ავსტრიის თანამშრომლობა, რიგის აღმოსავლეთ პარტნიორობის სამიტი და ევროკავშირთან ურთიერთობა იყო.
ირაკლი ღარიბაშვილმა ჰაინც ფიშერს საქართველოს ტერიტორიული მთლიანობის, ასევე ევროპული მისწრაფებების მხარდაჭერისთვის მადლობა გადაუხადა და აღნიშნა, რომ ავსტრიის პრეზიდენტის ვიზიტს, რიგის აღმოსავლეთ პარტნიორობის სამიტამდე რამდენიმე დღით ადრე, მთავრობა მხარდაჭერის დემონსტრირებად აფასებს.
გაფართოებულ შეხვედრაზე, მხარეებმა ორ ქვეყანას შორის ეკონომიკური და პოლიტიკური კავშირების განმტკიცებაზე ისაუბრეს, ასევე, ხაზი გაესვა საქართველო-ავსტრიის ბიზნესფორუმის მნიშვნელობას, რომელიც თბილისში იმართება.
