სამართალი
შსს-მ გურჯაანში ოჯახში ძალადობის ფაქტზე ერთი პირი დააკავა
საქართველო, 19 მაისი, საქინფორმი. შსს-ს კახეთის სამხარეო მთავარი სამმართველოს გურჯაანის რაიონული სამმართველოს თანამშრომლებმა წარსულში ქურდობისთვის ნასამართლევი დავით თ. ოჯახში ძალადობის დანაშაულის ჩადენის ბრალდებით დააკავეს.
ბრალდებულმა გურჯაანის რაიონის სოფელ გურჯაანში, თავის საცხოვრებელ სახლში, ჯანმრთელობის დაზიანება მიაყენა 2012 და 2014 წელს დაბადებულ გერებს, ხოლო საკუთარ შვილს - 2011 წელს დაბადებულ საბა თ-ს ფიზიკური შეურაცხყოფა მიაყენა. მიღებული დაზიანების შედეგად, ერთ-ერთი გერის ჯანმრთელობას საფრთხე შეექმნა, რის გამოც კატასტროფის ბრიგადამ იგი თბილისში, მ. იაშვილის სახელობის ბავშვთა ცენტრალურ საავადმყოფოში გადაიყვანა. დაკავებული აღიარებს ჩადენილ დანაშაულს. 
