საქართველო, 18 მაისი, საქინფორმი. უკრაინის ხელისუფლებას არ სურს არაფრის შეცვლა და ნამდვილად ეფექტიანი რეფორმების გატარება. ეს განცხადება გამოცემა REPLYUA.NET-ის ინფორმაციით, საქართველოს ექსპრეზიდენტმა და უკრაინის რეფორმების საერთაშორისო საბჭოს ხელმძღვანელმა მიხეილ სააკაშვილმა გააკეთა. მისი თქმით, რეფორმების გატარება მხოლოდ იმ შემთხვევაშია შესაძლებელი, თუ უკრაინელი ხალხი მთავრობაზე ზეწოლას მოახდენს, რადგანაც ხელისუფლება თავისთავად რეფორმირებისთვის განწყობილი არ არის. სააკაშვილი ასევე ამბობს, რომ უკრაინის ხელისუფლების სტრუქტურა არ არის შექმნილი იმისთვის, რომ მოხდეს რამეს სწრაფი შესრულება.

ის აცხადებს, რომ უკრაინის პრეზიდენტმა პოროშენკომ რამდენიმე მიმართულება განსაზღვრა, რომელთა შორის არის დებიუროკრატიზაცია. საქართველოს ყოფილი პრეზიდენტი უკრაინის ხელისუფლების მთავარ პრობლემას ასახელებს – ჩინოვნიკები დარწმუნებულები არიან, რომ მუდმივად იმუშავებენ და ამ აზრზე არიან უკრაინაში ხელისუფლების არაერთი ცვლილების მიუხედავად, მათ შორის გადატრიალების გზით. კიდევ ერთი ხარვეზია, რომ უკრაინელი ბიუროკრატები არ მიიჩნევენ აუცილებლად ხალხის სამსახურში ყოფნას. ასე, მაგალითად, საქართველოში ყველა ჩინოვნიკმა იცის, რომ თუ ხალხს არ გაუღიმებენ, მათ სამსახურიდან გაათავისუფლებენ – წერს REPLYUA.NET.