საქართველო, 17 მაისი, საქინფორმი. ამის შესახებ განცხადება პრემიერ-მინისტრმა ღარიბაშვილმა, ჰომოფობიის წინააღმდეგ ბრძოლის დღესთან დაკავშირებით, თბილისში 17 მაისს გამართულ აქციებზე საუბრისას გააკეთა. თბილისში გამართულ აქციებს პრემიერ-მინისტრი გურიიდან გამოეხმაურა.

„რამდენიმე აქცია იყო თბილისში და მინდა კმაყოფილებით აღვნიშნო, რომ ყველაფერი მშვიდად, ცივილიზებულად და დემოკრატიულად ჩატარდა. მინდა, კიდევ რთხელ ხაზგასმით აღვნიშნო, ჩვენ დავამტკიცეთ, რომ ვართ ღირსეული და გამორჩეული ერი და ჩვენთვის მთავარია ჩვენი ქვეყნის ინტერესები. დავამტკიცეთ, რომ ვართ ცივილიზებული სახელმწიფო და ნამდვილად გვსურს ჩვენი სახელმწიფოს გაძლიერება", - განაცხადა ირაკლი ღარიბაშვილმა.