ელიზა აბელაშვილი: „ქართველ ემიგრანტთა მსოფლიო ლიგის სახელით ვუსამძიმრებ სრულიად საქართველოს,ნათელში ამყოფოს უფალმა სამი ანგელოზი და გაძლების მისცეს ძალა მათ მშობლებს!“
საქართველო, 12 მაისი, საქინფორმი. ქართველ ემიგრანტთა მსოფლიო ლიგის სახელით ვუსამძიმრებ სრულიად საქართველოს,ნათელში ამყოფოს უფალმა სამი ანგელოზი და გაძლების მისცეს ძალა მათ მშობლებს! - წერს ქართველ ემიგრანტთა მსოფლიო ლიგის Facebook-გვერდზე ლიგის თავჯდომარე, აშშ-ში მცხოვრები ქალბატონი ელიზა აბელაშვილი.
„ეს ის მომენტია, როცა დუმილი შეუძლებელი ხდება ჩემთვის და ალბათ უამრავი ადამიანისთვისაც; არის კითხვები, რომელსაც პასუხი აუცილებლად გამოწვლილვით უნდა გასცეს გამოძიებამ.
უსაფრთხოების ზომების დარღვევა, შენობის დაუშვებელი მასალით აგება - უკვე ვიცით; რჩება ერთი უსაშინლესი კითხვა, რომლის დასმას მაინც ყველა გაურბის, მაგრამ უნდა გაჟღერდეს და პასუხიც აუვილებლად უნდა მივიღოთ:
ვინ ჩაკეტა ეს გარდაცვლილი ბავშვები გარედან ოთახში,რა მიზნით და ამის გამკეთებელი- რატომ არ უშვებთ,რომ დიდი ალბათობით ხანძრის გაჩენაზედაც წამსვლელი იყო?
გამოფხიზლდით, აქ ბევრი დეტალია,რომელიც ეჭვს იწვევს და კიდევ ვიმეორებ,შეიძლება სრულიადაც არ იყო უბედური შემთხვევა- საშინლად არასანდოა მეპატრონის პირველი სიტყვები და ძალიან საცნაურიც...“ - წერს ქალბატონი ელიზა.
