აშშ-ის ელჩი აცხადებს, რომ ბიძინა ივანიშვილთან შეხვედრაზე თინა ხიდაშელის მინისტრად დანიშვნის შესახებ არ უსაუბრია
საქართველო, 4 მაისი, საქინფორმი. საქართველოში აშშ-ის ელჩი რიჩარდ ნორლანდი აცხადებს, რომ ბიძინა ივანიშვილთან შეხვედრისას თინა ხიდაშელის თავდაცვის მინისტრად დანიშვნის თაობაზე არ უსაუბრია. ამ საკითხით ჟურნალისტები მცხეთაში დაინტერესდნენ, სადაც რიჩარდ ნორლანდი ერთ-ერთ ღონისძიებაზე იმყოფებოდა. "არა, ჩვენ ამ საკითხზე არ გვისაუბრია", - აღნიშნა ნორლანდმა.
არსებული ინფორმაციით, ყოფილ პრემიერს ბიძინა ივანიშვილსა და ელჩ ნორლანდს შორის შეხვედრა რამდენიმე დღის წინ გაიმართა.