საზოგადოება
ავტოსაგზაო შემთხვევა ბათუმში მსხვერპლით დასრულდა
ავტოსაგზაო შემთხვევა ბათუმში მსხვერპლით დასრულდა. აბუსერიძის ქუჩაზე „ოპელის“ მარკის ავტომანქანა გზის სავალი ნაწილიდან გადავიდა და ბორდიურს შეეჯახა, რის შედეგადაც მძღოლი, 50 წლის ენუქი ცქირია, გარდაიცვალა.
ავტომანქანაში მყოფ კიდევ ორ პიროვნებას - მანონი მიქავასა და გულადი სიჭინავას მსუბუქი დაზიანებები აღენიშნებათ. „ოპელის“ მძღოლი ბათუმის პირველ საავადმყოფოში გადაიყვანეს, თუმცა, როგორც ექიმები ამბობენ, ენუქი ცქირია გზაში გარდაიცვალა. საქმეზე აღძრულია სისხლის სამართლის საქმე. მიმდინარეობს გამოძიება. 
