უცხოეთი
ევროპის ხუთმა ქვეყანამ დაადასტურეს სურვილი, ააშენონ „თურქეთის ნაკადი“
საქართველო, 9 აპრილი, საქინფორმი. საბერძნეთის, სერბეთის, მაკედონიის, უნგრეთისა და თურქეთის საგარეო საქმეთა მინისტრებმა 7 აპრილის შეხვედრაზე დაადასტურეს თავისი სურვილი, მონაწილეობა მიიღონ გაზსადენი „თურქეთის ნაკადის“ მშენებლობის პროექტში.
ხელი მოეწერა დეკლარაციას ენერგეტიკული თანამშრომლობის შესახებ „მარშრუტებისა და წყაროების დივერსიფიკაციების ეკონომიკურად გამართლებული გზების“ შექმნაში თურქეთიდან ევროპის ქვეყნებში ბუნებრივი გაზის ტრანსპორტირებისათვის. „გაზპრომის“ პროექტში მონაწილეობის კონკრეტულ საკითხებს თითოეული ქვეყანა ცალკე განიხილავს.
გაზსადენის მარშრუტი, რომელიც რუსეთის პრეზიდენტმა ვლადიმერ პუტინმა თებერვალში, უნგრეთში ვიზიტისას მოიწონა, რუსეთიდან შავი ზღვის ფსკერზე, თურქეთის გავლით, ავსტრიული ბაუმგარტენეს ჰაბამდე აიგება. პროექტი გაზსადენ „სამხრეთის ნაკადის“ ალერნატივას წარმოადგენს, რომელზეც გაზპრომმა უარი თქვა ევროკომისიის მხრიდან წინააღმდეგობის გამო.
