პოლიტიკა
პრეზიდენტი გიორგი მარგველაშვილი რუმინეთის თავდაცვის მინისტრს მირჩეი დუშას შეხვდა
საქართველო, 7 აპრილი, საქინფორმი. შეხვედრისას მხარეებმა თავდაცვის სფეროში არსებული ორმხრივი თანამშრომლობის საკითხები განიხილეს. მხარეებმა ჩრდილო-ატლანტიკური ალიანსის უელსის სამიტზე მიღებული გადაწყვეტილებების ეფექტიანი იმპლემენტაციის გზებზეც იმსჯელეს.
განსაკუთრებული ყურადღება დაეთმო საქართველოს ოკუპირებულ ტერიტორიებზე არსებულ მდგომარეობას და რეგიონში არსებულ უსაფრთხოების გარემოს. შეხვედრას თავდაცვის მინისტრი მინდია ჯანელიძე, უშიშროების საბჭოს მდივანი ირინე იმერლიშვილი, პრეზიდენტის ადმინისტრაციის უფროსი დავით პატარაია, საქართველოს ელჩი რუმინეთში ილია გიორგაძე, საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე და პრეზიდენტის მრჩეველი თენგიზ ფხალაძე დაესწრნენ. 
