საქართველო, 2 აპრილი, საქინფორმი.  3- 4 აპრილს, თბილისში, ქართულ - რუსული საზოგადოებრივი ცენტრის ოფისში გაიმართება საქართველოს, რუსეთის, სომხეთის და აზერბაიჯანის არასამთარობო ორგანიზაციებისა და სამეცნიერო კვლევითი ცენტრების წარმომადგენელთა შეხვედრა.

შეხვედრაზე განხილული იქნება ის საერთაშორისო პროექტები, რომლებიც ხელს უწყობს საზოგადოებრივი და აკადემიური სტრუქტურების გაძლიერებას სახელმწიფო პოლიტიკური გადაწყვეტლებების მიღების პროცესში.

3 აპრილს, 12:30 საათზე ქართულ - რუსული საზოგადოებრივი ცენტრის ოფისში გაიმართება მრგვალი მაგიდა „საჯარო დიპლომატია კავკასიაში, როგორც სტაბილურობის ფაქტორი და საერთაშორისო დიალოგის საშუალება“ - შეხვედრას უცხოელ სტუმრებთან ერთად დაესწრებიან ქართველი ექსპერტები და პოლიტოლოგები.