საქართველო, 30 მარტი, საქინფორმი. ამის შესახებ რია ნოვოსტის რფ-ის პრეზიდენტის სპეცწარმომადგენელმა ახლო აღმოსავლეთისა და აფრიკის ქვეყნების საქმეებში, საგარეო საქმეთა მინისტრის მოადგილე მიხეილ ბოგდანოვმა მოუთხრო. მისი თქმით, კონტაქტები შენარჩუნებულია ყველა იემენურ მხარესთან - პრეზიდენტ აბდ რაბუ მანსურ ჰადისთან, ექსპრეზიდენტ ალი აბდალა სალეჰთან და ჰოუსიტებთან, ასევე სხვა არაბულ სახელმწიფოებთან, ირანთან, დასავლეთის ქვეყნებთან.

იემენის პრეზიდენტის თხოვნით კოალიციამ, საუდის არაბეთისა და სპარსეთის ყურის სხვა ქვეყნების მონაწილეობით, ამ ქვეყანაში 26 მარტის ღამეს სამხედრო ოპერაცია „გაბედულების ქარიშხალი“ დაიწყო მეამბოხე-ჰოუსიტების წინააღმდეგ, რომლებიც ქვეყნის ტერიტორიის უდიდეს ნაწილს აკონტროლებენ. კოალიციამ ავიაიერიშები მიიტანა იემენის დედაქალაქი სანის აეროპორტსა და რიგ სამხედრო ობიექტებზე. დაიღუპა ათობით ადამიანი. ოპერაციას შეუერთდნენ ეგვიპტე, იორდანია და სუდანი.