საზოგადოება
ეკა ყურშიტაშვილი: „ნაცების“ დროს მართვის მოწმობის გარეშე დავდიოდი! თქვენ გამაბლატავეთ!”
საქართველო, 25 მარტი, საქინფორმი. პატრულთან დაკავშირებული კადრებით ცნობილი ეკა ყურშიტაშვილი 21 მარტის აქციაზე „ნაციონალური მოძრაობის“ წევრი დავით ბაქრაძის მიერ გაკეთებულ განცხადებას „ფეისბუქში“ პასუხობს.
„ბატონო ბაქრაძე, პირი გამოირეცხე და ეკა ყურშიტაშვილი ისე ახსენე!. დაგავიწყდათ თქვენი წარსული? ჩვენ არ დაგვვიწყებია და მინდა გითხრათ, ბატონო დავით, რომ „ნაცების“ დროს მართვის მოწმობის გარეშე დავდიოდი! და თქვენ რომ ჟიმჟიმი გქონდათ, იმ ადამიანების დავალებით სრულიად პ... მემსახურებოდა! ასე რომ, ნუ გაგიკვირდებათ სხვისი, თქვენ გამაბლატავეთ, თქვენმა ხელისუფლებამ და ახლა თავი დამანებეთ მეც და ზოგზოგიერთებსაც!“, - წერს ყურშიტაშვილი.
შეგახსენებთ, რომ სიტყვით გამოსვლისას ბაქრაძემ განაცხადა, რომ „განსხვავებით ამ ხელისუფლებისგან, რომელმაც პოლიციას ეკა ყურშიტაშვილები დაასვა თავზე და სპეცრაზმელები ციხეში გაუშვა, ჩვენ პატრულს პატივს ვცემთ“.
