სამართალი
შსს-მ ყაჩაღობის ფაქტი გახსნა
საქართველო, 13 თებერვალი, საქინფორმი. შსს-ს იმერეთის, რაჭა-ლეჩხუმისა და ქვემო სვანეთის სამხარეო მთავარი სამმართველოს და ტყიბულის რაიონული სამმართველოს თანამშრომლებმა, ჯგუფურად ჩადენილი ყაჩაღობის ბრალდებით, თამაზ ჭ, უშანგ კ, გია გ. და ანზორ ფ. დააკავეს.
ბრალდებულებმა 2014 წლის 27 ნოემბერს ტყიბულის რაიონის სოფელ კურსებში ცეცხლსასროლი იარაღის მუქარით ანდრო კაკაბაძის ოჯახი დააყაჩაღეს. სახლში კაკაბაძე მეუღლესთან ერთად იმყოფებოდა. ორივე მათგანს ხელ-ფეხი შეუკრეს, ოჯახიდან ფული გაიტაცეს და შემთხვევის ადგილიდან მიიმალნენ. ოთხივე მათგანი აღიარებს ჩადენილ დანაშაულს. 
