საქართველო, 13 თებერვალი, საქინფორმი. დედაქალაქის მერი დავით ნარმანიას განცხადებით, რომელიც მან მერიის ზედამხედველობის საქალაქო სამსახურის აპარატის უფროსი ჯოკია ბოდოკიას დაკავებასთან დაკავშირებით გააკეთა, „მნიშვნელოვანია, რომ აღნიშნულ საქმეზე დადგინდეს ობიექტური ჭეშმარიტება, ამიტომაც თბილისის მერია მიმდინარე გამოძიებას ყველანაირად შეუწყობს ხელს“. ამასთან, ნარმანია მიმართავს თბილისის მერიის ყველა თანამშრომელს, კეთილსინდისიერად შეასრულონ საკუთარი უფლება-მოვალეობები. „თბილისის მთავრობა არ დაუშვებს და რეაგირების გარეშე არ დატოვებს კორუფციის ან სხვა რაიმე დანაშაულის ნიშნების შემცველ არცერთ ფაქტს“, - აღნიშნა დავით ნარმანიამ.

ამავდროულად, გავრცელდა თბილისის მერიის განცხადება, სადაც, კერძოდ, აღნიშნულია:

„ვრცელდება ინფორმაცია, თითქოს თბილისის მერიის ზედამხედველობის საქალაქო სამსახურის აპარატის უფროსის, ჯოკია ბოდოკიას ადვოკატი დავით ნარმანიას ძმა ირაკლი ნარმანიაა.