აქტუალური
ლევან მურუსიძე: „არავითარი კონსულტაციები პრემიერთან არ მქონია“
საქართველო, 27 იანვარი, საქინფორმი. იუსტიციის უმაღლესი საბჭოს მდივანი ლევან მურუსიძე არ ადასტურებს, რომ უზენაესი სასამართლოს თავმჯდომარეობასთან დაკავშირებით პრემიერთან კონსულტაციები ჰქონდა.
„არ ვადასტურებ ამ ფაქტს. არავითარი კონსულტაციები პრემიერთან არ მქონია. ჩემმა გვარმა ამასთან დაკავშირებით გაიჟღერა, თუმცა, რეალურად, აღმასრულებელ ხელისუფლებასთან ამ საკითხზე საუბარი არ მქონია. თუ იქნება შემოთავაზება, ამაზე ვიფიქრებ. ეს ჩემთვის დიდი პატივი იქნება“, - განაცხადა მურუსიძემ.
გავრცელებული ინფორმაციით, ლევან მურუსიძემ უზენაესი სასამართლოს თავმჯდომარეობის სურვილი გამოთქვა და ის აღნიშნულ საკითხთან დაკავშირებით, პრემიერსაც შეხვდა.
