საქართველო, 21 იანვარი, საქინფორმი. „შარლი ებდოს“ პროვოკატორებმა რაც დაიმასახურეს, ის მიიღეს“; „ტერორიზმს გმობს ყველა რელიგია, მაგრამ ვინც ადამიანს ტერორიზმისკენ უბიძგებს, ის არის ტერორისტი და არა ის, ვინც ტერაქტს აწყობს“, – ასეთ განცხადებებს აკეთებდნენ პანკისის ხეობაში მცხოვრები მუსლიმები, რომლებმაც კარიკატურების წინააღმდეგ აქცია გამართეს (ვიდეო იხ. აქ).
„არ გვინდა, რომ ღმერთის მიერ გამოგზავნილ მოციქულს ვიღაცეებმა კარიკატურები უხატონ... ჩვენ არ ვამბობთ, რომ ხალხის ამოხოცვა კარგია, არა, ჩვენ ვამბობთ რომ თავი დაანებონ ჩვენ მოციქულს“, - განაცხადა აქციის ერთ–ერთმა ორგანიზატორმა ლეეჩი ბორჩაშვილმა.
„შარლი ებდოს“ ჟურნალისტებმა, ჟურნალისტებს არ ვიტყვი, პროვოკატორებმა და ყველა სარწმუნოების შეურაცხყოფის მიმყენებელმა ადამიანებმა რაც დაიმსახურეს, ის მიიღეს. ქრისტიანებიც და მუსლიმებიც აფრთხილებდნენ, რომ ეს არ შეიძლება“, - განაცხადა ლევან დუიშვილმა.