საქართველო, 14 იანვარი, საქინფორმი. ვაზაგაშვილების ადვოკატისა და დამოუკიდებელი ექსპერტი მაია ნიკოლეიშვილის მტკიცებით ზურაბ ვაზაგაშვილი ახლოდან ნასროლი ტყვიით არის მოკლული. ამის დასადასტურებლად ოჯახის ადვოკატებმა და დამოუკიდებელმა ექსპერტმა  წარმოადგინეს ფოტოსურათები.

„ეს ფოტოები კონფიდენციალურმა წყარომ მოგვაწოდა. ეს არის შს სამინისტროს მიერ გადაღებული ფოტოები, თუმცა ის საქმეში გარკვეული მიზეზების გამო არ მოხვდა. ამ სურათებით კი მტკიცდება, რომ ვაზაგაშვილი ახლოდან გასროლით არის მოკლული",- აცხადებს მაია ნიკოლეიშვილი.

შეგახსენებთ რომ ზურაბ ვაზაგაშვილი ე.წ კორტების სპეცოპერაციის დროს სანაპიროზე მოკლეს.