პრეზიდენტმა სრულიად საქართველოს კათოლიკოს-პატრიარქს, უწმინდესსა და უნეტარესს ილია მეორეს აღსაყდრებიდან 37 წლისთავი მიულოცა

რელიგია

1-pozdravil-saz-3-rel-3 საქართველო, 26 დეკემბერი, საქინფორმი. პრეზიდენტმა მარგველაშვილმა საქართველოს კათოლიკოს-პატრიარქს ინტრონიზაციის 37 წელი მიულოცა.

„უკვე არაერთი ათწლეულია, საქართველოს ისტორიის ერთ-ერთ ყველზე დრამატულ და მნიშვნელოვან ეპოქაში, თქვენი სულიერი ღვაწლი, სიყვარულისა და შორსმჭვრეტელობის მაგალითები გვაძლევს განსაცდელში სიმტკიცის, ერთობისა და თანადგომის ძალას, გვინერგავს მომავლის იმედსა და რწმენას...

ორიენტირები, რომლისკენაც თქვენ მიგვიძღვებით, უნივერსალურია და არ ცნობს ეთნიკურ, კონფესიურ და სხვა განსხვავებებს. ამიტომაც არის თქვენი ღვაწლი საქართველოს თითოეული მოქალაქის საკუთრება. ვუსურვებ მათ, რომ კვლავაც დიდხანს გეპყრათ ხელთ ჩვენი სულიერი ცხოვრების საჭე.

ბედნიერი ვარ, რომ წილად მხვდა შესაძლებლობა, ცხოვრების ყველზე რთულ და საპასუხისმგებლო მომენტებში პირადად თქვენგან მივიღო რჩევა და სულიერი შემწეობა.