საქართველო, 15 დეკემბერი, საქინფორმი. წვრთნებში „სექტორების უსაფრთხოების სავარჯიშოები“ ის ასეულები მონაწილეობენ, რომლებიც საავიაციო ბაზის შიდა უსაფრთხოებაზე არიან პასუხისმგებელნი.

51-ე ბატალიონი ავღანეთში სამშვიდობო მისიაში მიმდინარე წლის ნოემბრიდან ჩაერთო. საქართველოს შეიარაღებული ძალების V ქვეითი ბრიგადის სამხედროების მომზადების მაღალი ხარისხი ISAF-ის და პარტნიორი ქვეყნების სარდლობების მხრიდან ბევრჯერ აღინიშნა.

51-ე ბატალიონის სამხედრო მოსამსახურეები პირობითად დაშავებულის ევაკუაციის, სწრაფი რეაგირების და უსაფრთხოების სხვა ელემენტების შესრულებაში ვარჯიშობენ. წვრთნები პერმანენტული ხასიათისაა და   სამხედრო უნარ-ჩვევების კიდევ უფრო დახვეწას ისახავს მიზნად.