საქართველო, 10 დეკემბერი, საქინფორმი. საქართველოს პრეზიდენტი სამების საკათედრო ტაძარში ბაბუშერას ტრაგედიის დროს დაღუპული ქართველი მებრძოლების სამოქალაქო პანაშვიდს დაესწრო. გიორგი მარგველაშვილმა პატივი მიაგო ვასიკო და ნუკრი წიკლაურების, თემურ და ზურაბ ზალდასტანიშვილების ხსოვნას - ბაბუშერას აეროპორტში თვითმფრინავის აფეთქებისას ერთი ოჯახიდან ოთხი ქართველი მებრძოლი დაიღუპა.

„დღეს ჩვენ კიდევ ერთხელ მივაგებთ პატივს იმ ხალხს, ვინც საკუთარი სიცოცხლე შეწირა ჩვენი ქვეყნის მთლიანობასა და სიძლიერეს. ყველას გვახსოვს, ამ ადამიათა გმირობა. დარჩა დიდი ტკივილი. მინდა მადლობა ვუთხრა ყველას, ვინც ამ ბიჭების გადმოსვენებას შეუწყო ხელი და მათ, ვინც მონაწილეობს ჩვენი საერთო ტრაგედიის, ჩვენი ჭრილობების მოშუშებაში“, - განაცხადა საქართველოს პრეზიდენტმა.