საქართველო, 10 დეკემბერი, საქინფორმი. პარტია „თავისუფალი საქართველო“ განცხადებას ავრცელებს, სადაც, კერძოდ, ნათქვამია: „სირიის ქალაქ ქობანში 21 წლის ზელიმხან ბათირიშვილი დაიღუპა, რომელიც ამბოხებულთა მხარეს საბრძოლველად პანკისის ხეობიდან წავიდა. სამწუხაროდ, ეს არ არის პირველი შემთხვევა, როდესაც სირიაში საქართველოდან წასული მებრძოლები იღუპებიან.

მივმართავთ პროკურატურას და შს სამინისტროს: მისცენ საზოგადოებას განმარტებები, მიმდინარეობს თუ არა გამოძიება ჩვენი ქვეყნის ტერიტორიაზე არსებული ვაჰაბიტური ცენტრების და საქართველოდან სირიაში ბოევიკების გადინების საქმეებთან დაკავშირებით.