საზოგადოება
მედიაჰოლდინგ „როსსია სეგოდნიას“ კუთვნილმა რადიოსადგურმა „სპუტნიკმა“ საქართველოში მაუწყებლობა შეწყვიტა
საქართველო, 18 ნოემბერი, საქინფორმი. ინფორმაციას ამის შესახებ „რადიო თავისუფლება“ აქვეყნებს. მაუწყებლობის შეწყვეტის მიზეზი კი ხელისუფლების მიერ იმ მედიაკომპანიის შემოწმება გახდა, რომელიც „სპუტნიკს“ წარმოადგენდა. გავრცელებული ინფორმაციით, სწორედ ამ შემოწმების შემდეგ გაწყვიტა ქართულმა მხარემ რუსულ „სპუტნიკთან“ ხელშეკრულება. შეგახსენებთ, რომ „სპუტნიკის“ მაუწყებლობა ხელისუფლებასა და ოპოზიციას შორის მორიგი პოლიტიკური დაპირისპირების მიზეზი გახდა.
