უცხოეთი
ნავთობის მსოფლიოს ბაზარი ეცემა: შავი ოქრო კვლავ იაფდება
საქართველო, 9 ოქტომბერი, საქინფორმი. ლონდონის ICE Futures-ის ბირჟაზე Brent-ის ნავთობის ფიუჩერსები სამშაბათს, 7 ოქტომბერს, ბარელზე 0.13 დოლარით - 92.66 დოლარამდე, ხოლო WTI-ზე 0.11 დოლარით - 92,23 დოლარამდე გაიაფდა. ამის შესახებ „როიტერზე“ დაყრდნობით „ნოვოე ვრემია“ იუწყება.
ორშაბათს Brent და WTI აიწია, რადგან დოლარმა ვაჭრობა იანვრიდან მაქსიმალური დაწევით დაასრულა ექვს ძირითადი ვალუტის კალათასთან მიმართებაში.
სიდნეიში CMC Markets-ის მთავარი ანალიტიკოსი რიკ სნუპერის აზრით, ფასების აწევა მოკლევადიანი რეაქცია იყო დოლარის დასუსტებაზე.
„ნავთობის ბაზარზე ვარდნის ტენდენცია ნარჩუნდება. ერთ-ერთი უმთავრესი სიახლე საუდის არაბეთში ფასების დაწევაა, რაც უახლოეს ხანებში მოპოვების შემცირების შესაძლებლობას გამორიცხავს“, - განაცხადა სნუპერმა.
