საქართველო, 1 ოქტომბერი, საქინფორმი. გიორგი მარგველაშვილმა თურქეთის საზოგადოებრივ მაუწყებელ TRT-ზე World News-ის ინტერვიუ მისცა. საქართველოს პრეზიდენტმა ისაუბრა ქვეყნის პრიორიტეტებსა და საგარეო ურთიერთობებზე.

"მშვიდობას და საქართველოს ტერიტორიულ მთლიანობას ალტერნატივა არ აქვს. არ არსებობს ამ პრობლემის სწრაფი მოგვარების გზა, მაგრამ ეს პრობლემა მხოლოდ მშვიდობიანი გზით მოგვარდება აფხაზეთშიც და ე.წ. სამხრეთ ოსეთშიც. ამ მხრივ, დიდი მხარდაჭერა გვაქვს, მათ შორის თურქეთის ხელისუფლების. საქართველოს ხელისუფლებას სურს, რომ ოკუპირებულ ტერიტორიებზე მცხოვრებ მოსახლეობას მისცეს ევროპაში ინტეგრირების ყველანაირი შესაძლებლობა, იქნება ეს ბიზნესის განვითარება თუ ვიზის ლიბერალიზაცია. ასე რომ, ვფიქრობ, უდიდეს გზავნილს ვუგზავნით სოხუმში, ცხინვალში მცხოვრებლებს, რომ ჩვენი მომავალი მხოლოდ გაერთიანებული საქართველოა“, - აღნიშნა გიორგი მარგველაშვილმა.

საქართველოს პრეზიდენტმა ასევე ისაუბრა რუსეთ-საქართველოს ურთიერთობებზე.