საზოგადოება
ობამა: „ამ ზამთარს უკრაინელები არ გაიყინებიან“
საქართველო, 30 სექტემბერი, საქინფორმი. ამერიკის შეერთებული შტატების პრეზიდენტ ბარაკ ობამამას მიაჩნია, რომ უკრაინის კრიზისის მოგვარება პოლიტიკური გზით შეიძლება. ამის შესახებ მან CBS-თან მიცემულ ინტერვიუში განაცხადა. კერძოდ, მან დაადასტურა შეთანხმების არსებობის შესახებ, რომელიც ითვალისწინებს რუსეთიდან უკრაინისთვის გაზის მიწოდებას.
“ამ ზამთარს ისინი არ გაიყინებიან”, - აცხადებს ის უკრაინელებზე საუბრისას.
მან ასევე დაამატა, რომ ამერიკის შეერთებული შტატების მყარი პოზიციის გარეშე მშვიდობის დამყარება რთული იქნებოდა ამ რეგიონში. პუტინზე საუბრისას კი განაცხადა, რომ მასთან ყოველთვის ჰქონდა “საქმიანი ურთიერთობა” და იქვე დასძინა, რომ ვლადიმერ პუტინს პოპულარობა საკუთარ ქვეყანაში მისმა პოლიტიკამ უკრაინის მიმართ და რუსულმა პროპაგანდამ მოუტანა.
