საზოგადოება
KFW-ს ფინანსური მხარდაჭერით საქართველოში მიმდინარე ინფრასტრუქტურული პროექტები შეუფერხებლად გაგრძელდება
საქართველო, 18 სექტემბერი, საქინფორმი. საქართველოს რეგიონული განვითარებისა და ინფრასტრუქტურის მინისტრი დავით შავლიაშვილი, პირველ მოადგილე გიორგი ამაშუკელთან ერთად, გერმანიის რეკონსტრუქციისა და განვითარების ბანკის (KFW) წარმომადგენლებს შეხვდა.
მხარეებმა KFW-ს ფინანსური მხარდაჭერით მიმდინარე ინფრასტრუქტურული პროექტების შესახებ ისაუბრეს და სამომავლო თანამშრომლობის გეგმები დასახეს.
საუბარი შეეხო ასევე „აჭარის წყლის“ „საქართველოს გაერთიანებული წყალმომარაგების კომპანიასთან“ ინტეგრირების საკითხს.
KFW-ს წარმომადგენლებმა, მყარი ნარჩენების მართვის კუთხით, საქართველოს რეგიონული განვითარებისა და ინფრასტრუქტურის სამინისტროს წარმომადგენლებს საკუთარი ხედვა გააცნეს და რამდენიმე რეკომენდაციაც მისცეს. აღსანიშნავია, რომ KFW უახლოეს პერიოდში ახალი რეგიონული ნაგავსაყრელის მშენებლობის დასაწყებად ტერიტორიის ტექნიკურ-ეკონომიკურ შესწავლას სამეგრელო-ზემო სვანეთისა და კახეთის რეგიონებში განახორციელებს.
