სამართალი
შსს-ს საგანგებო სიტუაციების მართვის დეპარტამენტის სამაშველო მომზადებისა და რეაგირების სამმართველოს ბაზაზე საერთაშორისო სწავლება „უსაფრთხო კავკასია -2014“-ის მოსამზადებელი შეხვედრა გაიმართა
საქართველო, 3 სექტემბერი, საქინფორმი. სწავლება იალღუჯას პოლიგონზე 5 სექტემბერს გაიმართება. სწავლების მიზანია საქართველოსა და აზერბაიჯანის რესპუბლიკას შორის ფართომასშტაბიანი საგანგებო სიტუაციების დროს ურთიერთდახმარების მემორანდუმის ფარგლებში თანამშრომლობისა და სამაშველო ძალების კოორდინირებული მუშაობის დახვეწა.
ასევე, საქართველოს მთავრობასა და „ბრითიშ პეტროლიუმს“ (BP) შორის გაფორმებული ხელშეკრულების თანახმად, ხმელეთზე და წყალში ნავთობის დაღვრაზე ერთობლივი რეაგირება.
სწავლებაში მონაწილეობას მიიღებენ საქართველოს შინაგან საქმეთა სამინისტროს, შრომის ჯანმრთელობისა და სოციალური დაცვის სამინისტროს, აზერბაიჯანის საგანგებო სიტუაციების სამინისტროს, „ბრითიშ პეტროლიუმი“ (BP)“-ს, BP -ის კონტრაქტორი „ბრიგსი“ (BRIGGS)-ის და სს ,,ენერჯი ინვესტი”-ს წარმომადგენლები.
