საქართველო, 1 სექტემბერი, საქინფორმი. საქართველოს პრეზიდენტმა გიორგი მარგველაშვილმა პრეზიდენტის სასახლეში საქართველოს კათოლიკოს-პატრიარქი ილია მეორე და ამიერკავკასიის მუსლიმთა საბჭოს თავმჯდომარე ალაჰშუქურ ფაშა-ზადე მიიღო.
ქვეყნის პირველმა პირმა მუსლიმთა სამმართველოს თავმჯდომარე ალაჰშუქურ ფაშა-ზადე ბრწყინვალების საპრეზიდენტო ორდენით დააჯილდოვა და მადლობა გადაუხადა ქართველ და აზერბაიჯანელ ხალხს შორის მეგობრობის განმტკიცების საქმეში შეტანილი წვლილისა და სხვადასხვა კონფესიის მშვიდობიანი თანაარსებობისა და ტოლერანტობის პრინციპების ხელშეწყობისათვის.