საქართველო, 15 აგვისტო, საქინფორმი. ახალქალაქში საწყისი საბრძოლო მომზადების ცენტრის სამშენებლო სამუშაოები დაიწყო. თავდაცვის მინისტრმა ირაკლი ალასანიამ და საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ საძირკველში კაფსულა ჩაუშვეს.

ცენტრის მშენებლობა ორ ეტაპად განხორციელდება. პირველი ეტაპი 2015 წლის ბოლოს უნდა დასრულდეს და შტაბის, სასადილოსა და ყაზარმების მშენებლობას მოიცავს. მეორე ეტაპი კი 2019 წლისთვის დასრულდება და სპორტკომპლექსის, სერჟანტებისა და ოფიცრებისთვის საერთო საცხოვრებლებისა და სხვა ნაგებობების მოწყობას ითვალისწინებს.