საქართველო, 13 აგვისტო, საქინფორმი. ოთხშაბათს დილით უკრაინის არმიამ განაახლა საარტილერიო ცეცხლი დონეცკის მიმართულებით, - იუწყება რია ნოვოსტის კორესპონდენტი ქალაქიდან. სროლის ხმა ისმის დონეცკის აეროპორტისა და სოფელ პესკის მხრიდან, რომლებიც უკრაინელი ძალოვნების ხელში რჩება. ჭურვები დონეცკის კუიბიშევისა და კიევის რაიონებში ცვივა. ასევე ცეცხლშია გახვეული დონეცკის სამხრეთი რაიონები (კიროვისა დ აპეტროვის), რომლებზეც იერიში მიაქვთ ძალოვანებს ქალაქებიდან - მარიინკა და ელენოვკა.

ახალ მსხვერპლსა და ნგრევებზე ჯერჯერობით არაფერია ცნობილი.

წინა საღამოს უკრაინის არმიამ პეტროვის რაიონში ცეცხლგამჩენი საბრძოლო მასალა გამოიყენა. ჭურვებმა პურკომბინატის ქვესადგურის შენობა დააზიანა.

სამშაბათს საარტილერიო იერიში მიიტანეს დონეცკის ჩრდილოეთ გარეუბანზე - ქალაქ იასინოვატაიაზე. „გრადის“ ჭურვები ქალაქის ბაზარს მოხდა, სადაც ხანძარი გაჩნდა. დაზარალდა ადგილობრივი ტექნიკუმის საერთო საცხოვრებლის შენობაც. უკრაინის არმია ცეცლს უშენს ქალაქს და მის დაპყრობასა და გორლოვკიდან მოკვეთას იმედოვნებს, რაც საშუალებას მისცემს, იერიში მიიტანოს თავად დონეცკის რაიონებზე.