საქართველო, 12 აგვისტო, საქინფორმი. სოჭში რუსეთის, სომხეთისა და აზერბაიჯანის პრეზიდენტების შეხვედრა გაიმართა, რომელიც მთიანი ყარაბაღის კონფლიქტის პრობლემას მიეძღვნა. მისი მონაწილეები შეთანხმდნენ, რომ კონფლიქტის დარეგულირება მხოლოდ მშვიდობიანი გზით არის შესაძლებელი.
როგორც პრეზიდენტმა პუტინმა განაცხადა, ამ საკითხის გადაჭრა აუცილებელია იმის გათვალისწინებით, რომ ის საბჭოთა ეპოქის მემკვიდრეობას წარმოადგენს.

„სიამოვნებით ვახდენ იმის კონსტატაციას, რომ აზერბაიჯანის პრეზიდენტიმა ყურადღება გაამახვილა პრობლემის მშვიდობიანი გზით გადაჭრის აუცილებლობაზე და თქვენ (სომხეთის პრეზიდენტი სერჟ სარქისიანი) ახლა ამის შესახებ ბრძანეთ. ეს მართლაცდა ყველაზე მნიშვნელოვანია, რადგან არ არსებობს იმაზე დიდი ტრაგედია, ვიდრე ადამიანების დაღუპვაა“, - განაცხადა რფ-ის პრეზიდენტმა.

„კონფლიქტი დიდი ხანია არსებობს“

„ჩვენ უნდა გამოვიჩინოთ მოთმინება, სიბრძნე, ურთიერთპატივისცემა, რათა პრობლემის გადაჭრის გზა გამოვნახოთ. რა თქმა უნდა, ნებისმიერი ურთულესი სიტუაციის გადაჭრაც შეიძლება, თუკი არსებობს კეთილი ნება, და მე ვფიქრობ, რომ ეს კეთილი ნება არსებობს როგორც აზერბაიჯანელი, ისე სომეხი ხალხის მხრიდანაც“, - აღნიშნა პუტინმა.