სამართალი
ერეკლე კოდუა: „ბადრი პატარკაციშვილი ვანო მერაბიშვილის ლიკვიდაციას მთხოვდა“
საქართველო, 4 აგვისტო, საქინფორმი. ბიზნესმენი ბადრი პატარკაციშვილი ვანო მერაბიშვილის ლიკვიდაციას მთხოვდა, ამის შესახებ სოდ-ის ყოფილმა უფროსმა ერეკლე კოდუამ ტელეკომპანია "რუსთავი-2"-ისთვის მიცემულ ინტერვიუში განაცხადა.
ამასთან, ინტერვიუში კოდუა აცხადებს, რომ პატარკაციშვილმა მას გოგა ხაინდრავას მკვლელობაც შეუკვეთა. კოდუას განცხადებით, ბიზნესმენმა უთხრა, რომ მისი გარემოცვიდან 4 ადამიანი უნდა მომკვდარიყო, რათა ეს ხელისუფლებას დაბრალებოდა. ერთ-ერთი მათგანი გოგა ხაინდრავა იყო, დანარჩენ სამზე კი სიის მიწოდებას ჰპირდებოდა. კოდუამ ლონდონური შეხვედრის სხვა დეტალებიც გაიხსენა.
