საზოგადოება
1 აგვისტომდე დაჯარიმებულ მგზავრებს ჯარიმის გადახდა აღარ მოუწევთ
სააღსრულებო ბიუროებმა მუნიციპალური ტრანსპორტით უბილეთოდ მგზავრობასთან დაკავშირებით მიღებულ სააღსრულებო ფურცლებზე წარმოება შეწყვიტეს.
ამნისტია მუნიციპალური ტრანსპორტით უბილეთოდ მგზავრობისთვის დაჯარიმებულ მოქალაქეებს შეეხოთ.
თუკი აღნიშნული სამართალდარღვევისთვის მგზავრები 2010 წლის 1 აგვისტომდე დაჯარიმდნენ და სააღსრულებო საქმის წარმოება აღნიშნულ საკითხთან დაკავშირებით მიღებული კანონის ამოქმედებამდე არ დასრულებულა, მათი საქმე დაიხურება.
დაჯარიმებული მოქალაქეები, როგორც ჯარიმის, ისე მასზე დაკისრებული საურავის გადახდისგან გათავისუფლდებიან.
