სამართალი
შსს-ს ცენტრალური კრიმინალური პოლიციის დეპარტამენტი ავსტრიის რესპუბლიკის ფედერალური კრიმინალური პოლიციის დელეგაციას მასპინძლობს
საქართველო, 24 ივნისი, საქინფორმი. ცენტრალური კრიმინალური პოლიციის დეპარტამენტი სამდღიან სამუშაო შეხვედრას მართავს ავსტრიის რესპუბლიკის ფედერალური კრიმინალური პოლიციის საგამოძიებო, ორგანიზებული დანაშაულისა და ზოგადი დანაშაულის დეპარტამენტის დელეგაციასთან.
შეხვედრაზე მხარეებმა განიხილეს საქართველოს შინაგან საქმეთა სამინისტროსა და ავსტრიის რესპუბლიკის შინაგან საქმეთა ფედერალურ სამინისტროს შორის პოლიციის სფეროში თანამშრომლობის შესახებ 2010 წლის შეთანხმების ფარგლებში განხორციელებული გასული წლის თანამშრომლობის შედეგები და მიღწევები.
მხარეები არსებული თანამშრომლობის გაღრმავებაზე შეთანხმდნენ ტრანსსასაზღვრო ორგანიზებული დანაშაულის, ნარკოდანაშაულისა და კიბერდანაშაულის წინააღმდეგ ბრძოლის კუთხით.
